FAPA

Despues un grupo mas grandi a sigui, pa por lo menos un aña y mei, concretisando e formacion di e fundacion aki, encabesa pa sra. Giolina Henriquez.
E grupo aki a purba di bin den contacto cu instancianan cu tin algo di haci cu lugarnan publico, cu ta bin na remarke pa pone arte publico. Tambe entre otro pa yega na un maneho structura cu basenan solido pa ofrece e artistanan mas oportunidad pa contribui na creacion artistico pa Aruba. Di e manera aki por haci arte mas visibel na comunidad Arubano y nos bishitantenan.

FAPA ta un organo cu lo bai conseha, evalua y proteha arte publico den nos comunidad.
E miembronan di FAPA ta: sra. Giolina Henriquez, presidente (temporalmente no ta activo pa motibo di salud), sra. Greta Williams-Sint Jago, vice-presidente, sra. Sonya Lemminga-Martis, tesorero, sra. Glenda Reiziger, secretario, sr. Nigel Matthew, segundo tesorero, sr. Anthony Rosenstand, segundo secretario, sra. Maritza Erasmus, comisario, sr. Stanley Dabian, miembro y sra. Dora Koolman-Croes, miembro honorario.

Tur e personanan aki ta di diferente area e.o. di arte plastico, di arkitectura, di enseñansa y tambe di Instituto di Cultura Aruba.

Diaranson dia 23 di oktober 2002, FAPA a haci un bishita oficial na Su Excelencia Gobernador Koolman y tambe na Minister di Cultura señor Lee. Durante e bishita aki e mandatarionan por a sera conoci cu e miembronan di FAPA y haya un splicacion di e meta cu a funda FAPA y di e plannan..

Un di e prome proyectonan cu FAPA ta enfoca pa logra concretisa ta e PLAZA ARTE ARUBANO, situa na Maria Christinastraat.