SINFA
SINFA a cuminsa na aña 2002 como conmemoracion di bishita di Su Excelencia Prins Willem Alexander y Prinses Maxima.
SINFA awor ta consisti di 6 organisacion cual nan ta; SINFA GALLERY, S.Y.P.(Sinfa Youth Project), SSAM(Sinfa Social Artist Movement), Sinfa Artist in Residence, Sinfa Educational Program y Sinfa Nacional Day Projects.

Sinfa Gallery ta organisa exposision local y internacional y ta conta cu 40 artista participante, tur di diferente ramo di arte, por ehempel audiovisual, arte plastico, expresion corporal, musica, literatura etc.
 
S.Y.P. su Presidente ta Jairus Barry di 15 aña di edad, studiante di Filomena College y Parlamentario Hubenil. Nan tin workshops tur week-end y sra. Glenda Heyliger y King Lie Kwie ta duna les. S.Y.P tambe ta hopi activo cu programa cultural cu scolnan, padvinderij y otro instancia pa hoben.
Un grupo di artista di SINFA a funda SSAM cu ta mas enfoca riba e aspecto social di arte den nos comunidad, SSAM ta organisa por ehempel tur aña “Dia di La Reina”; un evento cultural den Village. Tambe a forma VSCC.

Tambe lectura di experto internacional pa publico en general, exhibicion den Biblioteca Nacional Aruba como tambe actividadnan den iglesia y programa cu Departamento di Asunto Social.

SINFA Educational Program.
Sinfa ta conta cu klasnan cu airco pa duna les, tambe ta conta cu un mini biblioteca y sala di reunion. Computer cu acceso na Internet. Tur fin di siman tin workshops pa mucha y hende grande.
Sinfa Artist in Residence ta un proyecto huntu cu Renaissance Resort y Coca Cola, esaki ta duna hospedahe na e artista internacional como local y ta combina esaki cu e workshops, exhibicion y evento cultural di otro pais.
Otro aña Arts & Residence lo alberga un grupo di periodista Europeo pa cubri e Carnaval na San Nicolas (Juevert morning, Soca & Calypso etc.) Tambe SINFA lo sirbi di sede pa un Internacional Artist Workshop fomenta dor di Triangle Trust Foundation di Inglatera dirigi pa sr. Robert Loper como tambe CCA 7 di Trinidad dirigi pa Charlotte Elias cu 25 artista internacional.

Sinfa Nacional Day Program ta traha cu colaboracion di Comision Dianan Nacional iniciativa di Ministerio di Cultura dirigi pa sr. Ramon Lee, pa di e forma aki concientisa e comunidad en especial esun di San Nicolas riba e importancia di e dianan aki. Ta celebra den manera di un workshop y exhibicion por ehempel Dia di Betico na San Nicolas cu un Betico Youth Expo.
Aruba dag na honor di sra. Ruby Bute y Dia di Aña di La Reina cu un exhibicion y un evento pa hubentud “Get in Touch with the Queen”.

Sinfa ta conta cu un edificio espacioso den curason di e sector cultural di Promenade na San Nicolas, cu un fuerte caracter Caribense, aki publico en general, scolnan, Y.M.C.A. como turista por disfruta di tur e servisionan aki di SINFA y conoce nos artistanan local y nan obranan, specialmente nos arte cultural. E edificio tambe ta sirbi di cede pa Fundashon MOCHILA CREATIVO pa hoben, Aruba Photografers Foundation como tambe un Educational Program conhuntamente cu I.P.A. y E.P.B.
Sinfa ta un fundashon cu ta traha sin ganashi y ta danki na e aliansanan comercial y e boluntarionan, cu tur e proyectonan aki ta keda realisa. SINFA ta gosa di sosten di comunidad como tambe di Gobierno di Aruba specialmente di Minister Marisol Lopez-Tromp, Minister Freddys Refunjol y Su Excelencia Gobernador mr. Olindo Koolman.
SINFA (Sint Nicolas Foundation for the Arts)
B.van de Veen Zeppenfeldstraat # 10
San Nicolas
Tel./fax.: 584-2969
e-mail: sinfa_aruba@hotmail.com