PLAZA HUBERT O. (LIO) BOOI
Na
ocasion di 25 aña di existencia di Instituto di Cultura Aruba dia
30 di september 2003, conhuntamento cu colega Glenda Reiziger nos a cuminsa
planea un proyecto pa duna e patio di ICA un nomber y traha un monumento
cu esaki riba dje. E idea a bin padilanti pa duna e patio di ICA e nomber
di Plaza Hubert O.
(Lio)
Booi na honor di e gran ciudadano Boneriano Arubano. Un persona cu a y
ta stima nos isla y a duna tur loke e tabatin pa duna y a contribui grandemente
na nos cultura cu su talento multifacetico. Señor Booi ta e persona
cu a prepara y traha duro den encargo di Gobierno Insular di Aruba pa
lanta un departamento di cultura di Aruba y despues di a logra esaki a
bin cu e nomber tambe pa e departamento di cultura aki. Alabes señor
Booi a fungi como e prome Hefe di Instituto di Cultura Aruba na aña
1978.
Despues di a ricibi e encargo pa desaroya e monumento pa duna honor na señor Hubert (Lio) Booi cu aprobacion di Gobierno, particularmente di Minister di Cultura, señor Ramon Lee, conhuntamente cu colega Glenda Reiziger a cuminsa planea con pa haci e proyecto bira un realidad.
Tabata importante pa tene e proyecto un secreto pa señor Booi. Glenda a haci e trabou di busca informacion for di e famia y a entrevista señor Booi na ocasion di 25 aña di existencia di Instituto di Cultura Aruba.
Nos a laga BUVO (Oficina di Informacion di Gobierno) saca algun potret pa nos documenta y na mes momento tabata intenciona pa usa nan pa e proyecto di un alto relieve.
Señor Stanley Dabian (ICA) a haña instruccion di ki tipo di potret tin mester pa e proyecto. Mi no a pidi un portret di perfil ya cu esaki por a lanta sospecho cerca sr. Booi. A usa un potret sin bril ya cu den e posicion ei si tin bril bisti e bril lo pasa net riba e wowo y no ta bunita pa un alto relievo.
E tempo pa termina e trabou aki tabata cortico y mester a haci varios trabou di preparacion entre otro mester a diseña unda y con lo pone e obra. E momento cu e luga a keda determina a construi un forma y a weldo hero calvanisa pa un structura cu lo reenforsa e base y e obra. Despues lo mester fura esaki cu tegels y un placat di piedra. A modela e alto relievo cu plastilina. Na momento cu esaki tabata cla a traha un molde di gips. A prepara e molde aki y a pone e structura di metal den esaki pa despues basha un mescla di cement blanco, marmer, purio, piedra y pigmento. Mester a warda 48 ora pa e cement por cura bon prome cu bai na habri e molde of kibra esaki.
Ora e obra a sali for di e molde a retoca esaki y a pulie. E instalacion ta tuma luga un dia prome cu e apertura.
E structura di metal traha na cuminsamento ta pa pas y drenta den otro,
ta haci un fusion y e obra pa su mesun peso di mas o menos 120 pa 140
kilo ta baha y sinta riba e base.
A haci e retoke final y e resultado ta un bunita monumento na honor di señor Hubert O. (Lio) Booi.
Dia 1 di october 2003, durante un anochi cultural special, a devela e relievo aki na un forma masha unico pa homenahea sr. Booi. Tabata un momento masha emocionante pa un y tur presente, specialmente pa sr. Booi y su famia.
(Lio)
Booi na honor di e gran ciudadano Boneriano Arubano. Un persona cu a y
ta stima nos isla y a duna tur loke e tabatin pa duna y a contribui grandemente
na nos cultura cu su talento multifacetico. Señor Booi ta e persona
cu a prepara y traha duro den encargo di Gobierno Insular di Aruba pa
lanta un departamento di cultura di Aruba y despues di a logra esaki a
bin cu e nomber tambe pa e departamento di cultura aki. Alabes señor
Booi a fungi como e prome Hefe di Instituto di Cultura Aruba na aña
1978.
Despues di a ricibi e encargo pa desaroya e monumento pa duna honor na señor Hubert (Lio) Booi cu aprobacion di Gobierno, particularmente di Minister di Cultura, señor Ramon Lee, conhuntamente cu colega Glenda Reiziger a cuminsa planea con pa haci e proyecto bira un realidad.
Tabata importante pa tene e proyecto un secreto pa señor Booi. Glenda a haci e trabou di busca informacion for di e famia y a entrevista señor Booi na ocasion di 25 aña di existencia di Instituto di Cultura Aruba.
Nos a laga BUVO (Oficina di Informacion di Gobierno) saca algun potret pa nos documenta y na mes momento tabata intenciona pa usa nan pa e proyecto di un alto relieve.
Señor Stanley Dabian (ICA) a haña instruccion di ki tipo di potret tin mester pa e proyecto. Mi no a pidi un portret di perfil ya cu esaki por a lanta sospecho cerca sr. Booi. A usa un potret sin bril ya cu den e posicion ei si tin bril bisti e bril lo pasa net riba e wowo y no ta bunita pa un alto relievo.
E tempo pa termina e trabou aki tabata cortico y mester a haci varios trabou di preparacion entre otro mester a diseña unda y con lo pone e obra. E momento cu e luga a keda determina a construi un forma y a weldo hero calvanisa pa un structura cu lo reenforsa e base y e obra. Despues lo mester fura esaki cu tegels y un placat di piedra. A modela e alto relievo cu plastilina. Na momento cu esaki tabata cla a traha un molde di gips. A prepara e molde aki y a pone e structura di metal den esaki pa despues basha un mescla di cement blanco, marmer, purio, piedra y pigmento. Mester a warda 48 ora pa e cement por cura bon prome cu bai na habri e molde of kibra esaki.
Ora e obra a sali for di e molde a retoca esaki y a pulie. E instalacion ta tuma luga un dia prome cu e apertura.
E structura di metal traha na cuminsamento ta pa pas y drenta den otro,
ta haci un fusion y e obra pa su mesun peso di mas o menos 120 pa 140
kilo ta baha y sinta riba e base.A haci e retoke final y e resultado ta un bunita monumento na honor di señor Hubert O. (Lio) Booi.
Dia 1 di october 2003, durante un anochi cultural special, a devela e relievo aki na un forma masha unico pa homenahea sr. Booi. Tabata un momento masha emocionante pa un y tur presente, specialmente pa sr. Booi y su famia.
Articulo
di Maritza Erasmus, Escultora