A.S.O.M.A
Asociacion
di Musico Arubano (ASOMA) a worde funda dia 27 di oktober l974.
Durante e ceremonia cu a tuma lugar den e hoffi di “Scapatodo”
tabatin mas menos 65 musico presente.
E a worde funda e tempo ey bao di e nomber Asociacion di musico i artistanan
Arubano “ ADAYMA “.
E statutonan a worde aproba mediante e ordonanza fecha 6 di mei l976,
no 12, na Willemstad, Curacao fecha 11 di mei l976, firma pa e “Hoofd
van het Centraal Bureau Jurisiche en Algemene Zaken” Mr. G.R. HERMANS.
Projectonan
cu a worde entama door di Adayma:
Scol di Musica (Academia musical di Aruba), ubica pa prome biaha den La
Salle College, despues a muda pa Tarsicius College.
Cu intervencion di Adayma, Gobierno di Aruba a percura pa algun studiante
bai studia musica na Merca I Hulanda. Despues UNOCA tambe a duna su aporte
pa alcansa e meta aki.
Den e constellacion antiyano, cu cooperacion di e Ministronan di Husticia
i Salubridad, Adayma a logra pa unicamente un biaha pa luna por a permiti
presentacion di un grupo musical di exterio. Adayma na e ocasionnan aki
tabata siribi como advies-orgaan, pa e departamento di Orden publico I
Seguridad.
Adayma tambe tabata reurni cu management di hotelnan, pa yuda mentene
e cuponan di trabao (entretenimiento musical) door di gruponan local.
Gezaghebbernan di e tempo ey tabata zorg pa un bon maneho den e materia
aki.
Awe
Actualmente
e direktiva di ASOMA ta reorganisando henter e infrastructua di e Asociacion,
pa por cumpli cu e systema di maneho moderno. Un di e resultadonan di
esaki ta, cu den luna di juni 2002, ASOMA su oficina a worde ubica den
un otro edificio, cu lo tin cu sirbi como sede.
Otro accion cu a manifesta su mes, ta e cambionan necesario den e Statuut
i
Huishoudelijk reglement.
Tambe a tuma lugar entrega di un “Beleidsnota Buitenlandse Evenementen
na e Gobierno di Aruba.
Tabatin
un comienzo den anja 2002, cu Projectonan cultural, entre otro Fiesta
di SAN JUAN ( Dera Gai), celebracion di dia di Sta Cecilia.
Tambe ASOMA a cuminza cu projectonan den cuadro di e aspecto social.
Futuro
Pa futuro
lo tin projectonan/workshops pa alza e nivel musical di e musico , atrae
i motiva e hubentud pa participa den cursonan cu ta enserra e arte di
musica.Sinja toca un instrument, of sinja domina e arte di canto.
Den futuro ASOMA lo tin su propio website i e-mail address, pa asina amplia
e posibilidad di comunicacion.
Nos lo bini cu mas information.
Service
Nos servicio
ta entre otro;
1. Nos ta fungi como “advies-orgaan” di Gobierno riba terreno
di admission di gruponan musical di exterior.
2. Coordinacion di eventonan musical pa nos miembrecia.
3. Coordinacion di eventonan carnavalesco.
4. Sera contractnan collectivo i actua como promotor/impresario.
Mas aleu ASOMA ta envolvi den tur actividanan cu tin di haber cu “Derecho di Autor” (Auteursrecht)
Contact
Pa mas
infromacion, por tuma contacto cu sede di ASOMA,
Percela Hooiberg 62, SEDE, telefoon 585-8747,
Sr. Andres RASMIJN (voorzitter) tel. 585-7526, cell.936959
Sr. Elvy MARTEN (secretario) tel.583-1308, cell. 730-1935.
Sr. Robert Maduro (tesorero) tel. 521-2185
Sr. Robert Jeand”or, (consehero technico) tel. 587-0086
Sr. Bernhard VROLIJK, (consehero technico) tel. 5826843.