Museo di Aloe

E facilidad nobo di e fabrica di productonan di Aloe Vera ta situa na unda rond di aña 1890 tabatin e plantacion original di aloe na Hato. Den e facilidad aki, inaugura na Juni 2002, tin tambe un museo interactivo y un tienda cu ta bende nan productonan.
E industria di aloe ta un di e actividadnan economico mas bieu na Aruba. Consciente di esaki, e museo ta sirbi como deposito nacional di herment y ekipo bieu di aloe. Un biblioteca di historia, fabricacion y caracteristica di Aloe Vera tambe ta un parti adicional y esencial di e museo.

E combinacion di tecnologia moderno cu relikia di pasado, ta capta imaginacion di e bishitantenan di e museo for di inicio.

Orario: Dialuna te cu Diabierna
8.00 or- 17.00 or

Guia: 9.00 or – 16.00 or

Adres: Pitastraat
Oranjestad
Tel. (+297)588-3222
Fax (+297)588-3055
website: www.arubaaloe.com

Informacion saca for Museo y Galeria di Aruba un Guia Biblioteca Nacional Aruba