Museo Numismatico Aruba

E ta contene mas o menos 35.000 diferente piesa cubriendo riba 400 pais.
E coleccion fantastico aki ta consisti riba su mes di aproximadamente 115 diferente coleccion: p.e.: primitivo, strano, proof, mini, error, oro, cuadra, cu buraco, di
palo, y tambe ficha y medalia, etc., etc.

Pa esnan cu devoshon pa historia, e Museo Numismatico, unico den nos region, y talbez esun mas extenso den Centro America y Caribe, ta ofrece un bista di e poderoso “IMPERIO ROMANO”, e “GRECIA ANTIGUO” e “DINASTIANAN CHINO”, e “INDIA MISTICO”, “EGIPTO” y e famoso “IMPERIO BIZANTINO”.

Tambe tin un extenso set di plaka di papel y monedanan di e “ocupacion Aleman y Japones” y “emisionnan” special pa e “camponan di concentracion” y tambe di e mas reciente guerra “DESSERT STORM”.

Tin monedanan colonial di e prome dianan di conquista, salbaguardia di galleonan cu a zink.

Naturalmente tur e piesanan aki ta na bista di publico general, y describi cu fecha, denominacion, pais y mandatario.

Un bishita na e “MUSEO NUMISMATICO ARUBA”, por conduci bo atraves di e caminda infinito di tempo, un biahe traza pa e sernan mas primitivo, un caminda marca pa e spada y lanzanan di emperadornan grandi, pa Reynan, dictadornan y indudablemente e avenida aki ta cubri cu guerra, sanger y cu gloria.

Lo e guia bo pa e nacimento di paisnan recientemente independiente. Manera ya menciona e “MUSEO NUMISMATICO” aki, unico den region ta un fuente inagotable di e historia humano, di cultura y di educacion.

No perde di admira y aprecia tal experiencia.

Adres: Timbalstraat 11, Tarabana Aruba
Tel: 5828831- mobiel: 9656969
Contact persoon: Directora di Coleccionan di Sr. Odor q.e.p.d. Sra. Desiree Croes (dagelijkse leiding)
President di Fundacion Juan Mario Odor : Sra. Raquel Maduro-Odor
Email: numisaruba@hotmail.com of daisy4croes@hotmail.com
Fax: 583-8246