Comision ta busca tur evento relaciona cu celebracion di Himno y Bandera pa inclui esaki riba calendario nacional

Aki un par di siman ta Dia Nacional di Himno y Bandera y manera ta custumber caba, tur rond Aruba esaki lo keda celebra cu un cantidad di evento. Comision Celebracion Dianan Nacional (CCDN) ta haci un suplica di awor caba na tur instancia of organisacion cu ta organisa evento special relaciona cu Dia di Himno y Bandera pa entrega nan programa mas lihe posibel pa asina esaki keda inclui den e programa cu lo keda publica den tur media di comunicacion. Ata aki bo chens pa laga henter Comunidad di Aruba sa di bo evento y p’asina asisti masalmente.
Por manda bo programa y e sitio, orario y detaye di bo evento na fax: 588-0331 of por tuma contacto cu Robby Rossell na Ministerio di Cultura na telefon 588-0900 of pasa na oficina di Ministerio di Cultura pa yena un formulario. E informacion aki lo keda compila den un calendario cu lo inclui tur evento rond Aruba y asta lo bai internacional atrabes di e website di Instituto di Cultura Aruba, ademas di keda publica extensamente den tur medio di comunicacion.
Asina ta si abo ta na altura di un celebracion particular, no laga esaki keda sin haya su publicidad necesario. Entrega e informacion aki na Ministerio di Cultura pa e bira parti di e campaña publicitario masivo cu lo stimula participacion di comunidad na nos fiesta nacional. Amor patrio henter Aruba lo demostra riba Dia di Himno y Bandera riba 18 di maart proximo.

Pa mas informacion por acudi tambe na e website www.institutodicultura-aruba.com

-- FIN --