Registra tur evento relaciona cu celebracion di Himno y Bandera den calendario nacional.

  

Aki dos siman ta Dia Nacional di Himno y Bandera y ya caba, tur rond Aruba, preparacionnan pa celebra esaki ta tumando lugar. Abo of bo organisacion tin un evento special planea? Registra esaki cerca Comision Celebracion Dianan Nacional (CCDN) pa asina esaki keda reparti pronto den un calendario nacional. CCDN ta haci un suplica di na tur instancia of organisacion cu ta organisa evento special relaciona cu Dia di Himno y Bandera pa entrega nan programa mas tempran posibel pa asina esaki keda inclui den e programa cu lo keda publica den tur media di comunicacion. Ata aki bo chens pa laga henter Comunidad di Aruba sa di bo evento y asisti asina masalmente.

 

Por manda bo programa y e sitio, orario y detaye di bo evento na fax: 588-0331 of por tuma contacto cu Robby Rossell na Ministerio di Cultura na telefon 588-0900 of pasa na oficina di Ministerio di Cultura pa yena e formulario. E informacion aki lo keda compila den un calendario cu lo inclui tur evento rond Aruba y hasta lo bai internacional atrabes di e website di Instituto di Cultura Aruba, ademas di keda publica extensamente den tur medio di comunicacion.
Asina ta si abo ta na altura di un celebracion particular, entrega e informacion aki na Ministerio di Cultura pa e bira parti di e campaña publicitario masivo cu lo stimula participacion di comunidad na nos fiesta nacional. Amor patrio ta refleha parti di nos orguyo nacional. Pa mas informacion por acudi tambe na e website www.institutodicultura-aruba.com.

-- FIN --