Servicio

ICA ta parti den diferente seccion y cada seccion ta duna su servicio basa riba su disiplina.
E secionnan ta manera ta sigui.Seccion di arte dramatico
E seccion di arte dramatico kier crea y stimula e interes bou di e poblacion Arubano, principalmente bou di e hubentud, pa nan participa tanto activo como pasivo na e actividad teatral na Aruba. Tambe e seccion aki ta promove disiplina, combibencia y e individuo ta siña maneha su propio sentimento. Den e seccion ta traha sr. Stanley Dabian, sra. Marlene Lampe y Ricaldo v.d. Biezen, cu ta haci e parti tecnico. Tambe ICA ta haya cooperacion di e maestro John Freddy Montoya di FARPA.
E parti di presentacion di obra na scol ta na encargo di sr. Robert Scharbaay, cu ta haci e contacto necesario, sea nacional of internacional y cu ta coordina tur e presentacionnan aki pa e muchanan di scol por disfruta y haya educacion necesario riba e tereno aki.
Seccion di arte plastico
Den e seccion di arte plastico e concentracion ta riba dunamento di les teniendo cuenta cu e facilidad pa haci esaki, cu actualmente na ICA no ta existi. Ademas di duna les e seccion lo percura pa tene charla y presentacion di video educativo riba ramo di arte. Tambe e seccion aki ta brinda e ayudo tecnico y posibilidad pa organisa actividad di arte plastico y artesania p.e. exposicion den Kapel di ICA, cu ta na disposicion di e comunidad.
E seccion aki ta na encargo di sra. Maritza Erasmus.
Seccion di desaroyo musical 
E meta principal di e seccion di desaroyo musical ta pa eleva e nivel di dunamento di instruccion musical na Aruba. Pa eleva nos calidad musical lo inicia cu charla y tayer pa nos musiconan y tambe lo bin cu un forum musical. E nivel di musica mester yega asina cu den un termino di 10 aña Aruba por tin su mes un orkesta filharmonico. ICA mester bira e organo cu ta inspecta, controla y/of guia e proceso di instruccion di musica.
E seccion aki ta cai bou encargo di sr. Albi Navas, sr. Edwin Kock, sr. Robert Maduro y sr. Valentino Croes.
Seccion di ayudo tecnico
E seccion di ayudo tecnico ta un seccion cu ta brinda ayudo na e comunidad dor di coordina, organisa y stimula diferente actividad cultural. Y tambe ta brinda ayudo tecnico. E meta di esaki ta pa salbaguardia y conserva nos herencia cultural Arubano y stimula participacion di henter comunidad Arubano den diferente expresion cultural.
Coordinacion di actividad ta bou direccion di Reymundo Krozendijk y sra. Maritza Erasmus cu ayudo di un comision di actividad cultural consistiendo di: sra. Glenda Reiziger, sr. Robert Maduro, sr. Stanley Dabian, sra. Marlene Lampe y demas empleado di ICA.Seccion administativo
E seccion administrativo ta haci tur trabou administrativo pa ICA por funciona optimalmente. Tambe e seccion aki ta percura pa e presupuesto di ICA ta financieramente na ordo pa asina garantisa e continuidad di funcionamento di e Instituto.
E seccion administrativo ta bou encargo di sr. Haimy Angela, asisti dor di sr. Gilbert Nicolaas y sr.Reymundo Krosendijk, kende alabes ta encarga cu organisacion di Bon Bini Festival. Tambe tin e secretaria, kende ta sra. Vilma Theysen, un asistente di secretaria, sra. Yvette Salas-Lacle y un telefonista, sra. Sylvia Croes-Boekhoudt. Sr. Richard Deluvia ta maneha material cu ICA ta presta na comunidad y sr. Arturo Gomez ta percura y controla e material necesario pa e seccionnan por continua cu nan trabou. Tambe tin dos persona encarga cu mantencion di interior. Nan ta sra. Filomena Quandus y sra. Sharline Bremo.Seccion pa literatura y idioma
E seccion di literatura y idioma ta un seccion cu ta bai hinca den e maneho nobo, cu su meta lo bira promove uso di Papiamento y conserva nos idioma. Tambe stimula obra literario en general y pone informacion alcaso y balioso na disposicion di comunidad. Pa promove literatura na Papiamento lo bini cu un premio literario p.e. cada dos aña. Pa stimula esaki ta cuminsa cu nochinan literario den patio di ICA. Durante e anochinan aki lo invita personanan pa bin declama nan obra, tanto esnan cu experencia caba como esnan cu nunca a yega di bin den publicidad. E obra por ta un poesia, prosa of storia cortico. Ta e intencion pa traha hunto cu Biblioteca Nacional Aruba y personanan activo riba tereno literario. E seccion aki lo brinda servicio di traduci y coregi documento na Papiamento, ya cu desde 1 di juli 2003 Papiamento a bira idioma oficial hunto cu Hulandes pa comunica cu e organo gubernamental.
E seccion aki ta na encargo di sra. Gloria Croes y sra. Glenda Reiziger.Seccion di investigacion
Ya cu un di e tareanan di ICA ta pa indentifica, investiga y documenta e aspecto y situacion cultural educactivo y conserva nos herencia cultural, lo bin cu un seccion di investigacion. E seccion aki tambe lo mester haci e informacion investigativo accesibel pa publico. Un di e formanan pa haci esaki ta dor di organisa charla riba diferente aspecto cultural y inclui e scolnan den esaki. Mester bai traha mas estrecho cu Departamento di Enseñansa pa logra esaki.
Desde nos Status Aparte te cu awor, a nota cu Aruba a conoce cambionan drastico y dor di esei nos norma- y balornan a cambia. Ta necesario pa inventarisa cua ta e cambionan cu a tuma lugar. Na promer lugar mester bin cu un investigacion pre-eliminario pa por sigui cu un investigacion mas amplio.
E seccion aki ta na encargo di drs. Maria Croes, andragologo y drs. Vilmio Wester, un antropologo cultural y nan lo traha conhuntamente cu e seccion literario.Seccion arkeologico/Museo Arqueologico Aruba
Museo Arqueologico Aruba ta e parti di ICA cu ta mantene su mes ocupa cu investiga, documenta, preserva y promove arkeologia di Aruba.
Museo Arqueologico tin su propio maneho diario y presupuesto a base di un plan di maneho anual. Mr. Arminda Ruiz BSc. ta guia e seccion aki y e parti administrativo ta na encargo di sra. Augustina Quandus.


Den e seccion di investigacion drs. Raymundo Dijkhoff y Drs. Harold Kelly arkeologo, ta traha hunto cu dos asistente, sr Fransisco Croes y sr Hiram Angela. E personal di e seccion aki ta encarga cu investiga y documenta arkeologia di Aruba. Tambe nan ta encarga cu cuido y maneho di coleccion y sitio arkeologico. Den e seccion educativo ta informa y educa hende di tur edad y tur nacionalidad tocante nos Indjannan.Tin un colaborador educativo, sra. Margarita Wever y un colaborador educativo asistente, sra. Suzy Boekhoudt.
Sra. Maria Giel ta cuida interior di museo pa bishitante y trahador.

Pa mas informacion tocante Museo Arqueologico Aruba bishita e pagina di museo.